૫૦ લોકોને લઈ જતી ટ્રેક્ટર-ટ્રોલી કૂવામાં પડી, ૧૦ લોકોના મોત

વડોદરા: ગુજરાતના પંચમહાલ જિલ્લાના ભોટવા ગામમાં શનિવારે બપોરે એક ટ્રેક્ટર-ટ્રોલી કૂવામાં પડી ગઈ. તેમાં 50 લોકો સવાર હતા. અત્યાર સુધીમાં 10 મૃતદેહ બહાર કાઢવામાં આવ્યા છે. 25 લોકો ઘાયલ થયા છે. મોટાભાગના લોકોની હાલત ગંભીર છે.

પંચમહાલ પોલીસ પાસેથી મળેલી માહિતી મુજબ, ભોટવા ગામના આ લોકો નજીકના ગામમાં અંતિમ સંસ્કારમાં હાજરી આપવા જઈ રહ્યા હતા. તે દરમિયાન, ટ્રેક્ટર કાબુ ગુમાવી રસ્તા પરથી ઉતરી ગયું અને ખેતરમાં ઘૂસી ગયું. તેની ગતિ અટકી નહીં અને તે ટ્રોલી સાથે ખેતરમાં રહેલા કૂવામાં પડી ગયું.

ગામના કેટલાક લોકોએ અકસ્માત જોયો અને તાત્કાલિક બાકીના લોકોને મદદ માટે બોલાવ્યા. આ પછી પોલીસ અને એમ્બ્યુલન્સ આવી. અકસ્માતના થોડા સમય પછી, બચાવ ટીમ ઘટનાસ્થળે પહોંચી અને ગ્રામજનોની મદદથી ઘાયલોને કૂવામાંથી બહાર કાઢવાનું શરૂ કર્યું. અત્યાર સુધીમાં 30 લોકોને બહાર કાઢવામાં આવ્યા છે. આમાંથી 10 લોકોના મોત થયા છે. ઘાયલોને નજીકની વિવિધ હોસ્પિટલોમાં દાખલ કરવામાં આવ્યા છે.